Posts

Showing posts from May, 2010

ਭਾ ਮਾਰੇ ਹੁਣ ਅੱਡਰੀ - ਕਮਲ ਕੰਗ

ਭਾ ਮਾਰੇ ਹੁਣ ਅੱਡਰੀ

ਜਾਏ ਜ਼ਮਾਨਾ ਬਦਲੀ, ਵੇ ਅੰਗ ਤਾਂ ਓਹੀ ਏ
ਸ਼ਰਮ ਬਣੀ ਬੇ-ਸ਼ਰਮੀ, ਵੇ ਵੰਗ ਤਾਂ ਓਹੀ ਏ

ਵੱਢ 'ਤੇ ਪੈਰ ਅਸਾਡੇ, ਮੰਜ਼ਿਲ ਦੂਰ ਹੋਈ
ਸਾਲਾਂ ਤੋਂ ਪੰਜ-ਆਬ, ਵੇ ਮੰਗ ਤਾਂ ਓਹੀ ਏ

ਕਿਰਤੀ ਕਿਰਤ ਕਰੇਂਦਾ, ਹਾਕਮ ਚੌਧਰ ਜੀ
ਕਾਣੀ ਵੰਡ ਦਾ ਲੋਕਾ, ਵੇ ਢੰਗ ਤਾਂ ਓਹੀ ਏ

ਪਹਿਲੀ, ਦੂਜੀ, ਤੀਜੀ, ਨਾ ਹੁਣ ਲਾਇਓ ਜੀ
ਮਨ ਦੀ ਹਉਮੇ ਮਾਰੋ, ਵੇ ਜੰਗ ਤਾਂ ਓਹੀ ਏ

ਭਾ ਮਾਰੇ ਹੁਣ ਅੱਡਰੀ, ਵੇ ਰੰਗ ਤਾਂ ਓਹੀ ਏ
ਬਦਲ ਗਿਆ ਏ ਯਾਰ, ਵੇ 'ਕੰਗ' ਤਾਂ ਓਹੀ ਏ

੨੦ ਅਪ੍ਰੈਲ ੨੦੧੦ ਕਮਲ ਕੰਗ