ਕੁਝ ਸ਼ਿਅਰ......

ਕਮਲ ਕੰਗ ਦੀਆਂ
ਆ ਸੱਜਣਾ, ਰੰਗਾਂ ਨੂੰ ਮਿਲ਼ੀਏ,
ਬੇਰੰਗ ਕੱਢੀਏ ਜ਼ਿੰਦਗੀ 'ਚੋਂ
ਕੱਠੇ ਬੈਠ ਇਬਾਦਤ ਕਰੀਏ,
ਪਾ ਲਈਏ ਕੁਝ ਬੰਦਗੀ 'ਚੋਂ!
*
ਤੇਰੀ ਗੱਲ ਗੱਲ ਵਿੱਚੋਂ ਭਿਣਕ ਪਵੇ,
ਮੈਨੂੰ ਤੇਰੀ, ਸੁਣ! ਮਗਰੂਰੀ ਦੀ
ਜੇ ਦਿਲ 'ਚੇ ਨਫ਼ਰਤ ਰੱਖਣੀ ਏਂ,
ਫਿਰ ਹੱਸਣੇ ਦੀ ਮਜਬੂਰੀ ਕੀ?
ਤੂੰ ਮੰਨਿਐਂ, ਖੁਦਾ ਵੀ ਹੋ ਸਕਦੈਂ!,
ਤੈਨੂੰ ਸਾਡੀ ਹੋਂਦ ਜਰੂਰੀ ਕੀ?
ਚੱਲ ਛੱਡ ਪਰੇ 'ਕੰਗ' ਜਾਣ ਵੀ ਦੇ,
ਹੁਣ ਏਨੀ ਜੀ-ਹਜੂਰੀ ਕੀ!
.......

Popular posts from this blog

ਕਵਿਤਾ: ਦੇਸ ਪੰਜਾਬ.....

ਕਮਲ ਕੰਗ ਦੀਆਂ
ਦੇਸ ਪੰਜਾਬ ਦੇਸ ਪੰਜਾਬ ਨੂੰ, ਫੇਰਾ ਪਾਇਆ ਮੁੜ ਕੇ ਸਭ ਕੁਝ, ਚੇਤੇ ਆਇਆ ਬੇਲੀ ਮਿੱਤਰ, ਖੂਹ ਦੀਆਂ ਗੱਲਾਂ ਵਗਦਾ ਪਾਣੀ, ਨੱਚਦੀਆਂ ਛੱਲਾਂ ਸੱਥ ਵਿੱਚ ਹੱਸਦੇ, ਬਾਬੇ ਪੋਤੇ ਕੁਝ ਲਿਬੜੇ ਕੁਝ, ਨਾਹਤੇ ਧੋਤੇ ਤਾਸ਼ ਦੀ ਬਾਜ਼ੀ, ਛੂਹਣ ਛੁਹਾਈਆਂ ਬੋੜ੍ਹ ਦੀ ਛਾਵੇਂ, ਮੱਝੀਆਂ ਗਾਈਆਂ ਚੇਤੇ ਕਰ ਕੇ, ਮਨ ਭਰ ਆਇਆ ਦੇਸ ਪੰਜਾਬ ਨੂੰ, ਫੇਰਾ ਪਾਇਆ ਮੁੜ ਕੇ ਸਭ ਕੁਝ, ਚੇਤੇ ਆਇਆ ..... ਪਿੰਡਾਂ ਦੀ ਹੁਣ, ਸ਼ਕਲ ਬਦਲ ਗਈ ਲੋਕਾਂ ਦੀ ਹੁਣ, ਅਕਲ ਬਦਲ ਗਈ ਖੇਤੀ ਦੇ ਹੁਣ, ਸੰਦ ਬਦਲ ਗਏ ਕੰਮ ਦੇ ਵੀ ਹੁਣ, ਢੰਗ ਬਦਲ ਗਏ ਟਾਹਲੀ ਤੇ ਕਿੱਕਰਾਂ ਮੁੱਕ ਗਈਆਂ ਤੂਤ ਦੀਆਂ ਨਾ, ਝਲਕਾਂ ਪਈਆਂ ਸੱਥ ਵਿੱਚ ਹੁਣ ਨਾ, ਮਹਿਫ਼ਲ ਲੱਗਦੀ ਬਿਜਲੀ ਅੱਗੇ, ਵਾਂਗ ਹੈ ਭੱਜਦੀ ਪਿੰਡ ਵੇਖ  ਪਰ , ਚਾਅ ਚੜ੍ਹ ਆਇਆ ਦੇਸ ਪੰਜਾਬ ਨੂੰ, ਫੇਰਾ ਪਾਇਆ ਮੁੜ ਕੇ ਸਭ ਕੁਝ, ਚੇਤੇ ਆਇਆ ..... ਸ਼ਹਿਰੀ ਸੜਕ ਨੂੰ, ਸੁਰਤ ਹੈ ਆਈ ਪਿੰਡਾਂ ਦੀ ਪਰ, ਪਈ ਤੜਫਾਈ ਬਾਈਪਾਸਾਂ ਤੇ, ਟੋਲ ਨੇ ਲੱਗੇ ਐਪਰ ਬੰਦਾ, ਪਹੁੰਚੇ ਝੱਬੇ ਮਹਿੰਗਾਈ ਨੇ, ਵੱਟ ਹਨ ਕੱਢੇ ਤਾਂਹੀਂ ਮਿਲਾਵਟ, ਜੜ੍ਹ ਨਾ ਛੱਡੇ ਵਿਓਪਾਰੀ ਹੈ, ਹੱਸਦਾ ਗਾਉਂਦਾ ਮਾੜਾ ਰੋਂਦਾ, ਘਰ ਨੂੰ ਆਉਂਦਾ ਅਜੇ ਰੁਪਈਆ, ਪਿਆ ਕੁਮਲ਼ਾਇਆ ਦੇਸ ਪੰਜਾਬ ਨੂੰ, ਫੇਰਾ ਪਾਇਆ ਮੁੜ ਕੇ ਸਭ ਕੁਝ, ਚੇਤੇ ਆਇਆ ..... ਕੁੜੀਆਂ ਚਿੜੀਆਂ, ਵਧਣ ਨਾ ਫੁੱਲਣ ਚਿੜੇ ਹਨੇਰੀ, ਵਾਂਗੂੰ ਝੁੱਲਣ ਟੀਵੀ ਵਿੱਚ ਹੁਣ, ਸੂਟ ਨਾ ਦਿਸਦਾ ਸੁਰ ਸੰਗ...
ਅੱਗੇ ਪੜੋ »

ਸ਼ਹੀਦ ਭਗਤ ਸਿੰਘ ਦੇ ਜਨਮ ਦਿਨ ਦੀ ਸੌ ਸਾਲਾ ਸ਼ਤਾਬਦੀ ਤੇ ਮੇਰੇ ਵਲੋਂ ਕੁਝ ਸ਼ਬਦ ਸ਼ਹੀਦਾਂ ਨੂੰ ਪ੍ਰਣਾਮ ਵਜੋਂ:

ਕਮਲ ਕੰਗ ਦੀਆਂ
ਨਜ਼ਮ: ਭਗਤ ਸਿੰਘ ਅਤੇ ਉਸਦੇ ਸਾਥੀਆਂ ਨੂੰ ਜੇ ਕਦੇ ਆਪਣੇ ਦੇਸ, ਤੁਸੀਂ ਵਾਪਸ ਜਾਵੋਂ, ਆਪਣਿਆਂ ਤੋਂ ਅੱਖ ਬਚਾ, ਦੇਸ'ਚ ਜਾ ਕੇ ਵੇਖੋਂ ਤੁਹਾਡੀ ਵਿਚਾਰਧਾਰਾ ਦਾ ਰੰਗ? ਤੁਹਾਡੇ ਖਿਆਲਾਂ ਦੀਆਂ ਬਿਜਲੀਆਂ? ਤੁਹਾਡੀਆਂ ਸੋਚਾਂ ਦਾ ਖੁੱਲਾ ਅਸਮਾਨ? ਅਤੇ ਅਜ਼ਾਦੀ ਨੂੰ ਮਾਣਨ ਵਾਲਾ ਸਰੂਰ? ਕੁਝ ਵੀ ਤਾਂ ਨਹੀਂ ਦਿਸਣਾ, ਓਸ ਦੇਸ ਵਿੱਚ। ਬੱਸ! ਹਾਕਮਾਂ ਦਾ ਰੰਗ ਹੀ ਬਦਲਿਆ, ਦਿਲ ਤਾਂ ਫਰੰਗੀਆਂ ਦੇ ਦਿਲਾਂ ਵਰਗੇ ਹੀ ਨੇ ਤਾਂ ਹੀ ਤਾਂ ਤੁਹਾਡੇ ਵੀਰ ਮੁੜ ਗੋਰਿਆਂ ਦੇ ਵਤਨਾਂ'ਚ ਦਿਨ ਕੱਟਦੇ ਨੇ, ਧਰਮਾਂ ਦੇ ਨਾਂ ਤੇ ਅੱਗੇ ਵਾਂਗ ਹੀ ਮਨੁੱਖ, ਮਨੁੱਖ ਨੂੰ ਵੱਢਦੇ ਨੇ, ਗਰੀਬ ਪਾਣੀ ਲਈ ਵੀ ਤਰਸਦੇ, ਤਰਸਦੇ ਮਰਦੇ ਨੇ, ਮਾਡਰਨ ਸੋਚਾਂ ਦੇ, ਔਰਤ ਉੱਪਰ ਉਵੇਂ ਹੀ, ਜੁ਼ਲਮ ਵਰ੍ਹਦੇ ਨੇ। ਪਰ ਤੁਹਾਡੀਆਂ ਸ਼ਹਾਦਤਾਂ ਅਜਾਈ ਨਹੀਂ ਜਾਣਗੀਆਂ, ਸਮਾਂ ਬੜਾ ਤਾਕਤਵਰ ਹੁੰਦਾ ਹੈ, ਕ੍ਰਾਂਤੀ ਪੁਰਾਣੀ ਨਹੀਂ ਹੁੰਦੀ ਕਦੇ! ਹੋਰ ਭਗਤ ਸਿੰਘ ਉਠਣਗੇ, ਹੋਰ ਸੁਖਦੇਵ ਆਉਣਗੇ, ਹੋਰ ਰਾਜਗੁਰੂ ਫਾਂਸੀਆਂ ਚੁੰਮਣਗੇ, ਭਾਰਤ ਮਾਂ ਨੂੰ ਅਜ਼ਾਦ ਕਰਾਉਣਗੇ, ਪਰ ਇਸ ਵਾਰੀ ਭਾਰਤ ਮਾਤਾ, ਬਦੇਸ਼ੀਆਂ ਦੇ ਕਬਜ਼ੇ'ਚ ਨਹੀਂ, ਇਸ ਵਾਰ ਉਹ ਆਪਣੇ ਹੀ ਪੁੱਤਰਾਂ ਵਿਚਕਾਰ, ਬੇਵੱਸ ਨਜ਼ਰ ਆ ਰਹੀ ਹੈ!!!
ਅੱਗੇ ਪੜੋ »

ਗੀਤ - ਤੁਸੀਂ ਹੁਣ ਓ ਨਾ ਰਹੇ…

ਕਮਲ ਕੰਗ ਦੀਆਂ
 ਤੁਸੀਂ ਹੁਣ ਉਹ ਨਾ ਰਹੇ   1ਗੱਭਰੂ: ਆਜਾ ਨੀ ਆ ਬਹਿਜਾ ਦੋ ਪਲ ਕਹਿਜਾ ਨੀ ਤੂੰ ਕੋਈ ਹੀ ਗੱਲ ਕਿੱਥੇ ਰਹਿੰਦੇ ਮਿਲੇ ਨੀ ਮੁੜ ਕੇ, ਕਿੱਥੇ ਰਹਿੰਦੇ ਮਿਲੇ ਨੀ ਮੁੜ, ਬੜੇ ਚਿਰਾਂ ਬਾਦ ਦਿੱਤੀਆਂ ਦਿਖਾਲੀਆਂ ਤੁਸੀਂ ਹੁਣ ਉਹ ਨਾ ਰਹੇ, ਕਿਵੇਂ ਉੱਡੀਆਂ ਨੇ ਮੁਖੜੇ ਤੋਂ ਲਾਲੀਆਂ ਤੁਸੀਂ ਹੁਣ… 1ਮੁਟਿਆਰ: ਖਤਮ ਪਿਆਰ ਕਹਾਣੀ ਹੋਈ ਮੈਂ ਤਾਂ ਸੱਜਣਾ ਜਿਉਂਦੀ ਮੋਈ ਮੇਰੇ ਘਰਦਿਆਂ ਗੱਲ ਚਲਾ ਕੇ, ਮੇਰੇ ਘਰਦਿਆਂ ਗੱਲ ਚਲਾ, ਦਿੱਤਾ ਮੇਰੇ ‘ਨ ਕਨੇਡੀਆ ਵਿਆਹ ਆਪ ਤਾਂ ਉਹ ਮੁੜ ਵੇ ਗਿਆ, ਮੈਨੂੰ ਲੈਣ ਵੀ ਉਹ ਕਦੀ ਆਇਆ ਨਾ ਆਪ ਤਾਂ … 2ਗੱਭਰੂ: ਡੀ ਏ ਵੀ ‘ਚ ਆਪਾਂ ਜਦ, ਪੜ੍ਹਦੇ ਨੀ ਹੁੰਦੇ ਸੀ ਮੁਖੜੇ ਦੇ ਰੰਗ ਹੁੰਦੇ, ਹਾਸਿਆਂ ‘ਚ ਗੁੰਦੇ ਸੀ ਅੱਜ ਚਿਹਰਾ ਏ ਉਦਾਸ, ਜਿਵੇਂ ਕਿਸੇ ਸ਼ੈਅ ਦਾ ਵਾਸ ਤੇਰੇ ਮੁਖੜੇ ਤੇ ਲੱਖ ਪਰੇਸ਼ਾਨੀਆਂ ਤੁਸੀਂ ਹੁਣ ਉਹ ਨਾ ਰਹੇ, ਕਿਵੇਂ ਉੱਡੀਆਂ ਨੇ ਮੁਖੜੇ ਤੋਂ ਲਾਲੀਆਂ ਤੁਸੀਂ ਹੁਣ… 2ਮੁਟਿਆਰ: ਯਾਦ ਨਾ ਕਰਾ ਵੇ ਮੈਨੂੰ, ਦਿਨ ਬੀਤੇ ਪਿਛਲੇ ਵੇ ਮੈਨੂੰ ਪਤਾ ਚਾਰ ਸਾਲ, ਹੁਣ ਕਿੱਦਾਂ ਨਿਕਲ਼ੇ ਵੇ ਕੀਤਾ ਦਿਲੋਂ ਮੈਂ ਪਿਆਰ, ਲਿਖੇ ਖ਼ਤ ਮੈਂ ਹਜ਼ਾਰ ਉਹਨੇ ਇੱਕ ਵੀ ਜਵਾਬ ਪਾਇਆ ਨਾ ਆਪ ਤਾਂ ਉਹ ਮੁੜ ਵੇ ਗਿਆ, ਮੈਨੂੰ ਲੈਣ ਵੀ ਉਹ ਕਦੀ ਆਇਆ ਨਾ ਆਪ ਤਾਂ … 3ਗੱਭਰੂ: ਓਸ ਪੰਛੀ ਪਰਦੇਸੀ ਦਾ ਤੂੰ, ਕੀਤਾ ਇਤਬਾਰ ਕਾਤ੍ਹੇ ਕਿਉਂ ਦਿਲ ਵਾਲੇ ਖੇਤ, ਉਹਦੇ ਨਾਮ ਤੂੰ ਕਰਾਤੇ ਕਦੇ ਫੇਰਾ ਨਹੀਂ ਪਾਉਂਦੇ, ਕਦੇ ਵਫਾ ਨਹੀਂ ਕਮਾਉਂਦੇ ਲਾਏ ਪਿਆਰ ਤੇ ਨਿਸ਼ਾਨ ਨ...
ਅੱਗੇ ਪੜੋ »